قصة فيروز انا حامل الجزء الثاني يطرحها موقع الماميز

قصة فيروز انا حامل  : يخرج الناس إلى الحياة وقلوبهم مليئة بما يكفيها، لقد فرضت عليهم همومهم أن ينغمسوا فيها، يتمرنون على أن يجعلوا حقيقتهم تتوارى خلف ما يبدو عليهم، لكن تلك الأمور أقوى من تُبعدها الملامح.

قصة فيروز انا حامل “البيوت أسرار”.. مشاكل أسرية وقصص من صميم المجتمع:  وسنكمل اليوم قصة فيروز يطرحها موقع الماميز

---

صدمة فيروز بزواج سامح  (قصة فيروز )

فيروز وهي بتاخد نفسها: ماشي هديت فهمني مين الزفته دي

سامح: مراتي زي ما قالتلك

فيروز بصدمة: مر..مراتك ؟ مراتك ازاى يعني واتجوزتها امتي

سامح: زي ما سمعتي

فيروز بصدمة: اكيد بتهزر صح

سامح: لاء وبعدين انتي ايه مشكلتك مش احنا الاتنين مغصوبين على بعض وعايشين زي الاخوات انا بقا حبيت واتجوزت فيها مشكلة دي

فيروز وبتحاول تداري وجعها: لاء ابدا مفيهاش حاجه انا بس اتفاجأت مش اكتر كنت قولي يعني مفيهاش حاجه

لارا بدلع: اكيد مجاتش فرصة يا فوفا

فيروز بابتسامه مزيفة: اكيد

سامح: لارا السكرتيرة الخاصة بتاعتي وانتي كمان يا فيروز هتكوني معاها وهي هتعلمك الشغل وهو بسيط مفيهوش اي حاجه وبالمناسبة مش عايز شغل الضراير هنا

لارا: متخافش دي فيروز فى عنيا

فيروز بابتسامه مزيفة: اكيد وشكلنا هنبقي حبايب كمان

عدت ايام وفيروز معاه فى الشركة وبتحاول تداري غيرتها من لارا

اقرأ أيضا : انا حامل قصة واقعية كاملة والنهاية ستدهشكم الجزء الأول

---

بعدها بأيام ( قصة فيروز )

فيروز: سامح ممكن نتكلم

سامح: خليها لما نروح يا فيروز

فيروز: لاء يا سامح دلوقتي وحالا

سامح: عايزة ايه يا فيروز

فيروز: انت اتجوزتني ليه

سامح: ايه السؤال ده ما انتي عارفة

فيروز: اللي اعرفه انك اتجوزتني عشان تداري على حملي ليه مطلقتنيش لما عرفت اني مش حامل وليه اصلا اتجوزتني وانا حامل وليه لما سألتلك السؤال ده اول لما اتجوزنا قولتلي مش مهم تعرفي دلوقتي فهمني

سامح: بعدين هتعرفي

فيروز: بعدين امتى

سامح: لما يجي الوقت المناسب

لارا: وانا مش قادرة اتقبل لارا

سامح: لارا صديقتي من زمان وحبينا بعض واتجوزنا ومعيشها فى بيت تاني لوحدها بعيد عنك خالص عايزة ايه تاني

فيروز وهي بتحاول تستجمع قوتها: عيزاك تطلقني

سامح: ليه

فيروز: عشان معدش في سبب نكون متجوزين عشانه

سامح: ماشي يا فيروز بس مش دلوقتي

فيروز: دلوقتي يا سامح طلقني دلوقتي

سامح: ولما أطلقك هتروحي فين

فيروز: هروح لبابا وافهمه اني مكنتش حامل اصلا

سامح: ابوك اللي باعك طول الفترة دي ومحاولش حتى يسأل عليك

فيروز: خلاص هشوف اي حته تانية اروحها

سامح: نشوف حته الاول وبعد كده انفذلك طلبك

فيروز: خايف عليا اوي

سامح: مش بنت عمي بردو

فيروز سابته وخرجت ( بحبه بس مش هقدر اتقبل إن واحدة تانية تشاركني فيه ولو كنت خيرته بيني وبينها كان اختارها هي لانها مراته رسمي إنما أنا مراته فعلا بس على ورق بس احنا عايشين كأننا اخوات انا كنت مغ0صوبة عليه بس غصب عني حبيته ودلوقتي لما أطلق هروح فين فعلا هروح ل ابويا اللي باعني ولا اروح لمين ) قطع تفكيرها واحدة بتسأل عليها

فيروز: أيوة مين حضرتك

– فيروز

فيروز: أيوة انا انتي مين

– ( بتعيط واخدتها فى حضنها ) اخيرا يابنتي شوفتك

فيروز وهي بتبعد عنها: انتي مين

– معقول مش عرفاني انا ماما يا فيروز

فيروز بصدمة: ماما ايه انتي كمان

امها: والله انا امك يا فيروز

فيروز واقفة ومهيش مصدقاها.. امها طلعت شهادة الميلاد والبطاقة وكل الورق اللي يثبت أنها امها

امها بدموع وراحة تاخدها فى حضنها تاني: وحشتيني اوي

فيروز وهي بتبعد عنها: ايه اللي جابك

امها بصد@مة: انتي مش مبسوطه انك شوفتيني يا فيروز

فيروز بعياط: جاية دلوقتي تعملي ايه سبتيني وانا طفلة معدتش السنه وسبتيني واتجوزتي وسافرتي وطول المدة دي مش بتسألي عليا ولا تعرفي عني حاجه جاية دلوقتي ومفكراني اني اترمي فى حضنك واقولك وحشتيني

امها بعياط: والله يا فيروز كذب والله كذب انا ولا سيبتك ولا اتجوزت

فيروز وهي بتحاول تهدي: يعني ايه

امها: تعالى نقعد فى اي كافيه لحد من الشركة هنا يسمع

فى الكافيه

فيروز: ها انجزي

امها: ابوك طلقني منغير ما اطلب منه والله ولقيته مقرر اني هسافر وابعد عن هنا ولما قولتله اني هاخدك هددني أنه هيقتلنا احنا الاتنين لو اخدتك فأخترت اني اسيبك معاه على الأقل اضمن انك تكوني لسه بخير اما انا فسافرت فعلا بس متجوزتش والله

فيروز بصدمة: انتي اكيد كذابة بابا مستحيل يعمل كده

امها: لاء عمل وعمل اكتر من كده كمان

فيروز: عمل ايه، ايه التخريف ده

امها: سامح

فيروز: ايه دخل سامح فى الحوار دلوقتي

امها: عشان لا ده سامح ولا ده ابن عمك

فيروز:.. امها: عشان لا ده سامح ولا ده ابن عمك

فيروز وتقوم تقف: انتي بتقولي ايه، ايه التخريف ده

امها: ابوك زمان قتل صاحب عمره ومراته عشان فلوس كان ابنهم عمره ساعتها ٥ شهور فعشان ميحسش إن ضميره وجعه اتفق مع عمك أنه ياخده ويربيه عنده على أنه ابنه وطبعا ساعتها مكانش ينفع عمك يرفض لانه اولا عمك مكانش بيخلف وثانيا لو رفض هيبقي فى خطورة على ابوكي فطبعا عشان سُمعه العيلة عمك وافق يربي سامح على أنه ابنه وبالمناسبة مهوش اسمه سامح اسمه الحقيقي طارق اما سامح ده الاسم اللي ابوك وعمك سموه بيه عشان ميتكشفوش ولما عمك قرر هو ومرات عمك أنهم يقولوا الحقيقة لسامح ابوك بعت بلطجية وقتلوهم

فيروز قاعده مصدومة ومش بتنطق وبتحاول تكذب اللي سمعته

امها: والله يا فيروز ده اللي حصل وربنا شاهد على كل كلمة انا قولتها

فيروز بعياط: وانتي كنتي فين ومبلغتيش البوليس ليه

امها: ساعتها كنت حامل فيك وكنت خايفة يعمل فيا حاجه

فيروز: ودلوقتي ليه بتقوليلي الكلام ده

امها: عشان عرفت انك اتجوزتي سامح فجاية اقولك ان سامح لازم يعرف وانتي لازم ترجعي لحضني تاني

فيروز بخضة: لاء سامح ميعرفش سامح لو عرف هيموت بابا

امها: ما يموته ما هو يستاهل يموت بدل المرة ألف

فيروز: ده بابا يا ماما

امها بنفاذ صبر: طيب هترجعي معايا ولا لاء

فيروز: هرجع بس لما أطلق من سامح الاول

اقرأ أيضا :اريد حلا : جوزي خلاني اروح على أهلي علشان خلفت بنت

---

بعد ساعات ( قصة فيروز )

لارا: مالك يا فيروز سرحانه فى ايه

فيروز بسرحان: ها

لارا: مالك يابنتي في ايه

فيروز: مفيش بقولك ايه هو سامح لسه جوه ولا خرج

لارا: لسه جوه

فيروز: مقالكيش حاجه

لارا: حاجه زي ايه

فيروز: لاء خلاص مفيش

لارا: فيروز هو أنا ممكن اسألك سؤال

فيروز: ايه

لارا: هو انتي هتطلقي

فيروز: اشمعنا

لارا: يعني بسأل

فيروز: متقلقيش يا لارا انا مش هقدر اعيش مع سامح وانتي موجودة

لارا: والله مش قصدي يا فيروز

فيروز: معدتش فارقة والله

لارا: طب ممكن نكون صحاب

فيروز: لاء

لارا: انا كنت عارفة أنه لاء علفكرة بس كنت بختبرك

فيروز بضحك: يا بارده

لارا: كنت بحاول افكك فكي كده شايلة الهم ليه

فيروز: كل اما بشوفك بشيل الهم لوحدي

لارا بثقه: غيرانه مني

فيروز: انا هقوم امشي بدل ما ارتكب جناية دلوقتي

اقرأ أيضا : أريد حلا : جوزي نسونجي شو الحل ؟ مسكته 3 مرات

---

بعد فترة ( قصة فيروز )

 

فيروز: سامح انا خلاص لقيت مكان اعيش فيه ممكن تطلقني بقي

سامح وهو مش مهتم: فيروز ابعدي عني دلوقتي انا مش ناقص

فيروز بزعيق: لاء مش هبعد غير لما تطلقني ما هو أنا بردو مينفعش اعيش مع واحد شايفني أخته

سامح: وانا مقدرش أطلقك

فيروز: ليه

سامح: عشان انا حُر

فيروز: لاء مش حُر وده قراري

سامح: انتي عايزة تطلقي ليه

فيروز: عشان…

سامح ويقاطعها: متقوليش عشان لارا

فيروز: لاء عشان لارا

سامح: يعني مش عشان اللي اجه يشتغل فى الحسابات جديد

فيروز: مين اللي اجه يشتغل فى الحسابات

سامح: ادخل يابني

فيروز بتبص وراها وبصدمة: وائل

سامح: اكيد عرفاه على العموم انا هعرفك بنفسي ده وائل اخويا فيروز بتبص وراها وبصدمة: وائل

سامح: اكيد عرفاه على العموم انا هعرفك بنفسي ده وائل اخويا

فيروز بصدمة: اخوك اخوك ازاى عمي الله يرحمه مكانش عنده غيرك

سامح: هو انتي متعرفيش إن انا مش ابن عمك اصلا

فيروز بصد@مة وخوف وتوتر: أن.. أنت بتقول ايه

سامح: وائل اخويا بس كان عايش مع جدي طول الوقت عشان جدي كان قاعد لوحده فمكانش حد يعرف أنه اخويا اصلا غير العيلة بس ولحسن الحظ كان موجود يوم الحادثة وشاف كل حاجه

فيروز: حادثة ايه

سامح بزعيق: لما ابوك قتل ابويا وامى وكمان قتل الراجل والست اللي ربوني اللي هما اخوه ومرات اخوه يا فيروز

فيروز بتوتر: انت بتقول ايه

وائل: فيروز انا كان عندى خمس سنين ساعتها يعني كنت واعي لكل حاجه بتحصل قدامي وشوفت ابوك هو والبلطجية وهما بيقتحموا البيت وسرق الفلوس وكمان قتل ابويا وامى

فيروز: وانت بقي لما ظهرتلي كنت عايز تنتقم وانت كمان يا سامح كنت عايز تنتقم مش كده

سامح بزعيق: يعني ابوك يقتلهم واسكت

وائل: وهيموت والله ليموت يا فيروز

فيروز سابتهم وخرجت جري على بيت ابوها

ابوها بصدمة: فيروز

فيروز: انت لازم تمشي من هنا حالا

ابوها: ليه

فيروز: هي0قتلوك يا بابا لازم تمشي

ابوها: فهميني بس مين دول اللي هيقتلوني

فيروز وهي بتلم حاجته وتحطها فى شنطه: نخرج من هنا وافهمك كل حاجه

ابوها: هنخرج ونروح فين

فيروز: الوقتي هتعرف

بعدها بشوية

ابوها بصدمة: انتي

امها بصدمة: ايه اللي جابك هنا

فيروز: انا اللي جبته يا ماما

ابوها: ماما ؟….. انتي قولتيلها

امها: كان لازم اقولها

ابوها: وقولتيلها ايه تاني

فيروز بقهرة: كل حاجه ليه تعمل كده

ابوها: عشانك

فيروز بعياط: عشاني ولا عشان نفسك وكل اللي يهمك الفلوس وبس حتى لما عرفت اني حامل جوزتني لسامح وبعتني خالص ومفكرتش حتى انك تسأل عني

امها بصدمة: حامل

فيروز بعياط: مطلعتش حامل وطلع عندى سرطان فى الرحم وفضلت ٦ شهور اتعالج منه وكل ده وحضرتك مسألتش عليا ولا ايه اللي جرالي متقولش عشاني دي ابدا تاني

ابوها بصد@مة: ايه ومقولتيش ليه

فيروز: عشانك بعتني ومكنتش سامع غير نفسك وبس جوزتني بمزاجك ولو كنت قولتلك كنت هطلقني بمزاجك بردو انا مش لعبة فى ايدك

ابوها: انا….

فيروز وتقاطعه: سامح وأخوه عرفوا كل حاجه وناوين يق0تلوك ومهنتش عليا بعد كل اللي انت عملته

امها: اخوه مين

فيروز: وائل حب عمري ( وتضحك) طلع اخو سامح وكان عايش مع جده فعشان كده مكانش حد يعرف أنه اخو سامح وكان موجود ساعة الحادثة وشاف كل حاجه وجاي ينتقم منك هو وسامح على مoت ابوهم وأمهم ( وبعدين تسكت وتكمل ) حتى اخوك ومراته مرحمتهومش ليه ليه كل ده استفدت ايه فلوس ؟ فلوس ايه اللي تخلي اخ يقتل اخوه ويقتل صاحب عمره انت دمرتني انا مش هما

ابوها ساكت وحاطط وشه فى الارض

فيروز: انت هتقعد هنا وارجوك ارجوك كفاية لحد كده

فيروز بتسيبه وتمشي

يعدي الايام وفيروز مش بتشوف سامح ولا وائل ( مش بتروح الشركة وسامح مش بيروح البيت )

يرن التليفون *

فيروز: أيوة يا ماما مال صوتك…. طيب انا جاية حالا

بعدها بشوية

فيروز بعياط: بلاش يا سامح ارجوك

سامح بزعيق: دم ابويا وامى مش هسيبه

فيروز بعياط: سلمه للبوليس هو كده كده ميت إنما أنت ايدك هتفضل متلوثة دم طول عمرك بلاش عشان خاطري وسلمه للبوليس

سامح بينزل المسدس

وائل: هي هتضحك عليك بكلمتين ده دم ابويا وامي ( وقام مطلع المسدس وموته )

سامح بزعيق: قتلته ليه يا وائل قتلته ليه

وائل: عايزه يموت ابويا وامي واسيبه

سامح بزعيق: هي عندها حق كان كده كده ميت

فيروز بعياط وزعيق: والله ما هسيبك يا وائل وكله هيتحاسب سامح: البقاء لله يا فيروز

فيروز: ونعم بالله، اتفضل

سامح: ايه دي

فيروز: دي فلوسك بابا قبل ما يموت كتبلي كل حاجه بأسمي ودي نص الفلوس اللي بابا سبهالي يعني اكتر من اللي بابا سرقهم من ابوك زمان

سامح: انا مش عايز فلوس يا فيروز انا كنت عايز حق بابا وماما والحمدلله رجع ومش جاي اكلمك فى فلوس انا جاي اعزيك معأنه يستاهل والله

فيروز: انا اللي اقول يستاهل أو ميستاهلش وزي ما انتم اخدتوا حق ابوكم وامكم انا بردو هاخد حق ابويا

سامح: لاء ما هي مش حرب

فيروز: لاء هي حرب ومش معاك انت يا سامح هي مع وائل

سامح: بلاش تلوثي ايدك بدم يا فيروز

فيروز: هيموت زي ما مoت بابا

سامح وقام وقف: وانا مش هسيبك تموتيه يا فيروز

فيروز: استني

سامح: نعم

فيروز: طلقني

سامح واستغرب طلبها فى وقت زي ده: دلوقتي

فيروز: اه دلوقتي

سامح: انتي طالق يا فيروز ومن بكرة ورقتك هتوصلك وكل مستحقاتك هتجيلك لحد عندك

وسابها ومشي

بعدها بأيام **

سامح بزعيق: قولتلك اهرب يا وائل والله فيروز لما تفوق من صد@مة مoت ابوها ما هتسيبك وهتقتلك

وائل بزعيق: مش ههرب يا سامح انا اخدت حق ابويا وامى وده حقي

سامح بزعيق: انا وانت عارفين كويس إن الحق بيتاخد بالقانون مش بأيدينا

الباب بيخبط جامد ( مش خبط ده رزع )

سامح بخضه: فى ايه

البوليس: ده بيت وائل ****

سامح بتوتر: أي…أيوة

البوليس: مطلوب القبض عليه بتهمه قتل *****

سامح فى سره ( عملتيها يا فيروز )

بعدها بساعات *****

سامح: ارتحتي يا فيروز

فيروز: سمعت كلامك وملوثتش ايدي بدم على العموم هو يستاهل وخلاص اخدت حقي

سامح: مش هلومك عشان الظروف اللي انتي فيها هسيبك دلوقتي

اقرأ أيضا :أريد حلا . خطبت جديد ووالدي تغير بهذه المسألة معي

---

بعدها بفترة ( قصة فيروز )

سامح بفرحة: فيروز ايه اللي جابك الشركة

فيروز: جاية اودعك انا مسافرة لندن مع ماما هكمل حياتي هناك

سامح بحزن: مسافرة ليه

فيروز: هفضل هنا اعمل ايه

سامح: عشان حياتك كلها هنا يا فيروز

فيروز: عايزة ابدأ من جديد

سامح: مش هقدر اقولك حاجه غير إن ربنا يوفقك واكيد هعوزلك الخير فى كل الاوقات

فيروز: وعايزة اقولك مبروك عرفت إن وائل اخد مؤبد معأنه يستاهل اعدام

سامح: بلاش نفتح فى القديم القديم صفحة واتقفلت

فيروز بابتسامه: انت صح

سامح بابتسامه: مش تباركيلي

فيروز: على ايه

سامح بفرحة: هبقي اب

فيروز بفرحة: بجد بتهزر هي البت لارا الصفره دي حامل

سامح بضحك: صفره بردو يخربيت لسانك

فيروز بضحك: بحبها حب

سامح بضحك: طبعا انتي هتقوليلي

فيروز: الف مبروك يا سامح ربنا يتمم لها على الف خير وتقوم بالسلامة

سامح: فيروز فاكرة لما كنتي بتسأليني انا ليه اتجوزتك

فيروز بابتسامه: مكنتش بترضي تقولي

سامح: هقولهالك لأول مرة يا فيروز انا بحبك انا فى الأول كنت عايز اتجوزك عشان انتقم من ابوك فيك بس حبيتك ومقدرتش اعمل فيك حاجه يمكن لو كنت حبيتك من زمان كان زمانك دلوقتي مكان لارا ومكانش هيبقي فى لارا فى حياتي اصلا

فيروز بابتسامه: خلاص هنرجع نقول ليت الزمان يعود يوما ونبكي على اللبن (milk ) المسكوب

سامح: انا مستعد نرجع كل حاجه بس انتي قولي اه

فيروز: معدش ينفع يا سامح

سامح بحزن: ليه

فيروز: حاليًا مينفعش

سامح بأمل: يعني ممكن مع الوقت ينفع

فيروز بابتسامه: ممكن

سامح بابتسامه: والله انتي تستاهلي احلى حاجه فى الدنيا… هشوفك تاني

فيروز بابتسامه: اكيد اول ما البت لارا الصفره تولد تكلمني امال مين هيشيل ابنك يعني غيري

سامح: اكيد

فيروز: اشوف وشك على خير

سامح بحزن: خلي بالك من نفسك ولو عوزتي اي حاجه كلميني

فيروز بابتسامه: اكيد، مع السلامة

بعدها بفترة *

سامح: أيوة يا طنط.. فيروز لاء مأجتش هتيجي ازاي مصر منغير ما تقولك ( التليفون بيرن ) طب يا طنط معايا مكالمه تانية هشوف فى ايه وارجعلك تاني…. ( المكالمه التانية ) أيوة يا حماتي.. يارا خرجت من بدري وقالتلي أنها جيالك.. يعني ايه مأجتش طيب اقفلي وانا هتصرف

( التليفون بيرن برقم ملوش اسم ) سامح بعصبية: مين

– لو عايز السنيورتين بتوعك يبقي تنفذ اللي هنقولك عليه

سامح بزعيق: انتو مين

– مش مهم تعرف المهم اول طلب وائل يخرج

سامح: وائل مين اللي يخرج

– وائل اخوك يخرج

سامح باستغراب: وائل اخد مؤبد

– والله قولت اول طلب ولازم يتنفذ ده لو عايز تشوف مراتك وطليقتك تاني ومتبلغش البوليس عشان ساعتها انت اللي هتكون اخترت نهايتهم

الانتقال للجزء الأول                                              الانتقال للجزء الثالث