انا حامل قصة واقعية كاملة والنهاية ستدهشكم الجزء الأول
انا حامل قصة واقعية كاملة والنهاية ستدهشكم
انا حامل قصة واقعية كاملة والنهاية ستدهشكم . قصة فتاة تمر بتجربة اجتماعية فكيف كانت ردة فعل المجتمع من حولها موقع الماميز يضع القصة بين أيديكم …
قائمة المحتويات
انا حامل ، مما لا شك فيه، إذا زاد الشيء على حده انقلب إلى ضده، فعلى الرغم مما تحمله مواقع التواصل الاجتماعي من إيجابيات كثيرة لا يمكن لأحد أن ينكرها، إلا أنها في نفس ذات الوقت أشبه بسلاح فتاك، يمكنه هدم الأسر والمجتمعات (في غمضة عين) إذا أُسيء استخدامه، كونها تحمل بين ثناياها مخاطر عدة يصعب تجاهلها أو السكوت عنها.
قصة فيروز انا حامل
بابا انا حامل
ابوها: ابعدي عن وشي دلوقتي يا فيروز مش ناقص هزارك
فيروز: بس انا مش بهزر انا بتكلم جد
ابوها: حامل ازاي وانتي مش متجوزه
فيروز بعياط: والله ما اعرف روحت كشفت النهارده والدكتورة قالتلي
ابوها بزعيق: انتي عارفة انتي بتقولي ايه دي مص0يبة
فيروز: يا بابا ارجوك…
ابوها ويقاطعها: امشي من وشي يا فيروز بدل ما اقت0لك دلوقتي
فيروز دخلت اوضتها وقاعده تفتكر كلام الدكتورة وهي مش مصدقة اللي حصلها والموقف اللي حطت نفسها وابوها فيه
بعد شوية **
ابوها: اجهزي عشان كتب كتابك على سامح ابن عمك بليل
فيروز: بس انا مش موافقة انا مش بحبه
ابوها ويضربها بالقلم: انتي تخرسي كان زمان اسمع كلامك إنما دلوقتي معدش ليك كلمة كفاية راسي اللي حطيتها فى الارض واحمدي ربنا إن سامح وافق أنه يشيل شيلت غيره
فيروز بعياط وهي مش مصدقة اللي ابوها بيقوله: بابا انت ازاى تصدق اني اعمل حاجه زي دي
ابوها: مش مصدق إن بنتي تعمل كده إنما انتي واحدة تانية انا معرفكيش ومش عايز اعرفك
ابوها يسيبها ويخرج
فيروز بعياط: انا والله معملتش حاجه ليه مش مصدقني وكمان هيجوزني لحد مش بحبه طب هقول ايه لوائل ده لو عرف هيسيبني وانا بحبه يارب عيني يارب خليك جمبي
رد فعل وائل لما فيروز قالتله انا حامل
مسكت تليفونها وبعتت رسالة لوائل أنها عايزة تقابله حالا
بعدها بشوية فى كافيه جمب بيتها **
وائل: ايه يابنتي خضتيني فى ايه
فيروز بتوتر: وائل انا فى مصيبة ومش عارفة اعمل ايه
وائل بقلق: مصيبة ايه اتكلمي
فيروز بتوتر: انا…انا حامل
وائل: بطلي هزار يا فيروز وقولي فى ايه أنا ورايا شغل
فيروز: والله مش بهزر يا وائل انا عارفة انك مصدوم وانا والله مصدومة ولحد دلوقتي مش مصدقة بس كل حاجه بتقول اني حامل انا معرفش ده حصل ازاى ومحدش لمسني اصلا وائل ساعدني ارجوك
وائل بيقوم يقف: شوفي مين عمل كده ويشيل شيلته
فيروز مصدومة وبتقوم تقف هي كمان: وائل انا محدش لمسني والله
وائل: انا مش عايز اعرف واحدة سهلة ورخيصة زيك تاني
ويسيبها ويمشي
فيروز قعدت مكانها ومهيش مصدقة إن حب عمرها اتخلي عنها هو كمان.
اقرأ أيضا :أريد حلا تعرفت عشاب من 8 سنوات وما صارش نصيب ساعدوني بحل
بالليل فى بيت فيروز
المأذون: ( بارك الله لكما وبارك عليكما وجمع بينكما في خير )
الجملة اللي كل بنت بتحلم تسمعها ويكون اسعد يوم فى حياتها وهي مع الشخص اللي قلبها اختاره بس للاسف اتحرمت من دي كمان زي ما حاجات كتير اتحرمت منها سواء امى اللي سابتني وانا صغيرة وسافرت مع جوزها ولحد الوقتي معرفش عنها أي حاجه وابويا اللي جوزني ابن عمي معأنه عارف ان انا مش بحبه حتى وائل حب عمري اتخلي عني ليه كده يارب ليه كل حاجه بحبها تتخلي عني بسهولة كده وهما اللي يعيشوا حياتهم وانا اللي افضل اتعذب عمري كله المفروض اتقبل الواقع عشان خلاص بقي فرض عليا خلاص كده بقيت مرات سامح رسمي
المأذون خلص الإجراءات وروحت عشان اسلم على بابا سابني ومشا للدرجة دي مهوش عايز يشوفني للدرجة دي عريته قدام الناس !
فوقت ولقيت نفسي قدام بيت كبير لاء ده مش بيت ده قصر ايه الفخامه دي دخلنا وكان احلى من برا كمان
سامح: دي اوضتك ولو احتجتي اي حاجه هتلاقيني فى الاوضة اللي جنبها
فيروز: سامح انت ليه اتجوزتني رغم انك عارف اني حامل ومتقولش عشان بتحبني عشان كلنا عارفين انك مش بتاع حب
سامح: مش مهم تعرفي دلوقتي يا فيروز واطلعي نامي دلوقتي
عدا ايام كتير لدرجة اني مش عارفة عدا قد ايه من كتر ما الايام شبه بعضها ومعنتش اعرف اي حاجه عن وائل ولا حتي عن بابا اما سامح فبيقوم يروح الشغل من بدرى ويرجع متأخر لا بشوفه ولا هو حتى بيكلمني انا اه مش بحبه بس بدل اتفرضنا علي بعض يبقي المفروض ما بينا كلام، فى مرة رجع بدرى على غير عادته
فيروز: حمد الله على السلامة ايه اللي مرجعك بدرى كده
سامح: تعبان اوي مقدرتش اقعد هناك اكتر من كده
فيروز بقلق: تعبان مالك
سامح بتعب: مش عار..
فجأة وقع على الأرض فيروز اتصلت على الإسعاف وراحوا على المستشفي
فيروز: طمني يا دكتور
الدكتور: الحمدلله حالته احسن احنا ادناله حقنه وهيقوم كمان ساعات بأذن الله
فيروز: متشكره يا دكتور
فيروز افتكرت أنها من ساعة ما عرفت انها حامل وهي متابعتش عند الدكتور فقررت تروح للدكتورة بالمرة وتشوف لو ينفع تنزله
فيروز: دكتور لو سمحتي انا عايزة أنزله
الدكتورة بتكشف عليها وتشوف لو ينفع تنزله
الدكتورة بصدمة: ايه ده
فيروز بقلق: ايه يا دكتور طمنيني
الدكتورة: لازم تعملي إشاعة حالا
اقرأ أيضا :اريد حلا مطلقة وابني الصغير جنني
فيروز عند الدكتورة
فيروز: أشعة ؟ أشعة ليه
الدكتورة: تروحي تعملي إشاعة وتجيلي وخدي الجواب اهو
فيروز راحت تعمل إشاعة ورجعت تاني للدكتورة
فيروز بقلق: فى ايه يا دكتور انا معدش فيا اعصاب
الدكتورة: فيروز انتي عندك سرطان فى الرحم الدكتورة: فيروز انتي عندك سرطان فى الرحم
فيروز بصد@مة: ازاي انتي قولتيلي اني حامل
الدكتورة: أعراضه نفس اعراض الحمل فمأجاش فى دماغي أن يبقي عندك المرض ده المهم لازم تبتدي فى رحلة العلاج من النهارده والعلاج بياخد ٦ شهور لازم يا فيروز تبتدي بسرعة كل ما يعدي وقت كبير فى خطورة على حياتك
فيروز: طب ممكن من بكرة لان جوزي فى المستشفي ومش هعرف اسيبه فى وقت زي ده
الدكتورة: مش عارفة اقولك ايه والله ربنا يعينك
فيروز: انا اللي مش عارفة افرح عشان الحمدلله طلعت شريفة ولا ازعل عشان طلع عندى المرض ده
الدكتورة: خير والله يا فيروز وهتخفي وتبقي احسن من الاول
فيروز بيأس: الله المستعان
فيروز راحت عند سامح فى المستشفي لقيته فاق
سامح: كنتي فين يا فيروز الممرضة قالتلي انك كنتي هنا وبعدين مشيتي
فيروز: كنت عند الدكتورة
سامح بخوف: دكتورة ليه انتي كويسة
فيروز بابتسامه: متقلقش انا بخير كنت بس بتابع الحمل
سامح: اخبار البيبي ايه وصحيح اصلا يا فيروز مين أبوه من حقي اعرف
فيروز: هقولك كل حاجه بس فى البيت الدكتور قالي انك بقيت احسن وممكن تخرج النهارده
بعد شوية فى البيت *
سامح: مالك يا فيروز من ساعة ما اجيتي من عند الدكتورة وانتي مش كويسة هو البيبي حصله حاجه ولا زعلتي من سؤالي اني اعرف مين أبوه
فيروز بابتسامه: لا خالص بس هو مفيش بيبي
سامح: الله يعني مش بيبي واحد هيبقوا اتنين يعني ولا تلاته بصي لو اكتر من تلاته مش هعرف اربي
فيروز بضحك: يابني بقي اديني فرصة افهمك
سامح: قولي
فيروز: انا مريضة
سامح: ما طبيعي اي واحدة حامل بتكون مريضة
فيروز فى سرها ( كمان متخلف كده كتير والله كده كتير )
سامح: انتي بتبرطمي فى ايه
فيروز: انا عندى سرطان فى الرحم
سامح: فيروز بطلي هزار بقي وقولي الدكتورة قالتلك ايه
فيروز بجدية: انا مش بهزر
سامح بصدمة: انتي بتقولي ايه
وقعد يعيط
فيروز بضحك: يعني المفروض انت اللي تهون عليا مش انا اللي اهون عليك يابني بطل عياط يخرب0يت صياحك صدعتني
سامح بردو بيعيط
فيروز: خلاص والله بقا هعيط انا كمان
سامح: الدكتور قالتلك هتبتدي علاج من امتى
فيروز: المفروض من النهارده يعني بس قولتلها نخلينا لبكرة
سامح: لاء من النهارده ويلا نروحلها
فيروز: نروح لمين ياعم انت لسه خارج من المستشفي(Hospital ) ومحتاج راحة
سامح بجدية: يلا يا فيروز مش بهزر
فيروز خافت من صوته: ما..ماشي
عدا ٦ شهور والحمدلله خفيت وبقيت احسن وسامح مسابنيش طول شهور العلاج كان جمبي وبيهون عليا تعبي وحبيته اه والله حبيته بس بستهبل
سامح: يعني ايه عايزة تنزلي معايا الشركة
فيروز: يعني عايزة انزل معاك الشركة ولا انت خايف من حاجه
سامح: هخاف من ايه يابنتي انا خايف عليك انتي لانك لسه خارجة من رحلة علاج فالمفروض ترتاحي
فيروز: عايزة انزل اشم هوا بقي
سامح: خلاص انتي حره يلا عشان منتأخرش
وصلوا الشركة واول ما دخلوا لقت واحدة بتجري عليه تحضنه
فيروز بغيرة بس بتحاول تخبيها: مش هتعرفنا يا استاذ سامح
لارا بدلع: لولا مراته فيروز بغيرة بس بتحاول تخبيها: مش هتعرفنا يا استاذ سامح
لارا بدلع: لولا مراته
فيروز بصدمة وزعيق: نعاااام ده انا هموتك واموته ( وكانت راحة تجيبها من شعرها بس سامح لحقها )
سامح: اهدي يا فيروز وبطلي فضايح
للمتابعة الى الجزء الثاني اضغطي هنا
اقرأ أيضا :اريد حلا : جوزي خلاني اروح على أهلي علشان خلفت بنت
