قصة فيروز انا حامل الجزء 3 يطرحها موقع الماميز

قصة فيروز انا حامل الجزء الثالث  : يخرج الناس إلى الحياة وقلوبهم مليئة بما يكفيها، لقد فرضت عليهم همومهم أن ينغمسوا فيها، يتمرنون على أن يجعلوا حقيقتهم تتوارى خلف ما يبدو عليهم، لكن تلك الأمور أقوى من تُبعدها الملامح.

قصة فيروز انا حامل “البيوت أسرار”.. مشاكل أسرية وقصص من صميم المجتمع:  وسنكمل اليوم قصة فيروز يطرحها موقع الماميز

---

نكمل لكم قصة فيروز الجزء الثالث

سامح بنفاذ صبر: حاضر، وتاني طلب

– لما ده يحصل اول وبعد كده ابقي اكلمك تاني( وقفل السكة )

سامح فى سره: وائل ازاي يخرج.. ينهار اسود ده لو وائل هو اللي باعتهم يخطفوهم يبقي ( وقال بزعيق ) موتك على ايدييييي يا وائل فى مكان أشبه بالمهجور

فيروز وهي بتفوق: انا فين

مفيش رد

فيروز: انتوا مين

مفيش رد

فيروز بزعيق: ما تردوا عليا

– معندناش أوامر

فجأة الباب فتح وواحدة دخلت مليانه دم

فيروز بخضه: مين دي وليه لفينها كده

– مش عايزين اسئلة كتير عشان متبقيش زيها

فيروز: هو أنا فى مصر ازاي انا ايه اللي جابني هنا

– ( بزعيق ) مش قولتلك مش عايزين اسئلة كتير

فيروز بتحاول تفتكر اللي حصل

اقرأي أيضا : أريد حلا : جوزي نسونجي شو الحل ؟ مسكته 3 مرات

---

فلاش باك

– حضرتك الأستاذة فيروز

فيروز: أيوة انا مين حضرتك

– والدة حضرتك وقعت فى النادي ونقلناها على المستشفي

فيروز بخضه: ايه ماما مالها ومستشفي ايه

– مستشفي ** تعالى اوصلك بالمرة فى طريقي

فيروز بخضه وبتلم حاجتها بسرعة: ماشي يلا

( بعدها بشوية فى العربية )

فيروز: انت ماشي منين ده مش طريق المستشفي

مش بيرد

فيروز بزعيق: انا بكلمك

مش بيرد

فيروز بزعيق: نزلني لو سمحت

فجأة وقف و٣ رجالة طلعوا العربية ورشوا عليها مُخدر

باااااك **

فيروز بخضه: هي فين ماما

محدش بيرد

بتبص جمبها على البنت اللي ملفوفة بوشها ود0م نازل منها

فيروز: طب ممكن تشيل البتاعة دي من على وشها عشان متت0خنقش

– ماشي اما اشوف ايه اخرتها معاك

( راح يشيلها )

فيروز بخضه: يا نهار اسود لارا ( بزعيق ) انتوا عملتوا فيها ايه وايه الدم ده

– سقطناها

فيروز بصد@مة: ايه

– زي ما سمعتي

فيروز بتحاول تستجمع قوتها وتقوم تلحقها

– لو قومتي من مكانك هقتلك ( وبيرفع عليها المسدس )

فيروز بعياط: طب الحقوها ارجوك هتموت

– لما يجيلنا أوامر

فيروز: من مين

– مش مهم تعرفي

فيروز بعياط: طب انتوا عايزين مننا ايه وهتسيبونا أمتي

– لما حبيب القلب بتاعك انتي وهي يجي

فيروز باستغراب: حبيب القلب مين

– استاذ سامح

فيروز بخوف: ليه هتعملوا فيه ايه

– هنقتله

فيروز بخضه: اييييه ليه ؟ هو عمل ايه

– ما قولنا مش عايزين اسئلة كتير

فيروز بخوف: انت بتهزر صح

– هو أنا اعرفك عشان اهزر معاك

فيروز بعياط: يعني ايه سامح هيموت سامح طيب والله وميستاهلش

– وانا مالي

فيروز: طب ارجوك من باب الإنسانية هات التليفون احذر سامح

– انتي هبلة ومفكراني اهبل زيك، اعطيك التليفون ونروح فى داهيه

فيروز: والله لاء مش هجيب سيرتك

– اسكتي بدل ما اقتلك انتي كمان ( وسابها وخرج ) – يعني ايه حضرتك أخرج وائل ؟

سامح بعصبية وزعيق: بقولك لارا وفيروز اتخطفوا

– بس خلاص وائل اتحكم عليه يعني صعب أنه يخرج

سامح: اتصرف يا متر اتصرف هو أنا اللي هعرفك شغلك

– طب ما ده مالوش حل غير أننا نهربه بس انت مسألتش نفسك لما نهربه هيعمل ايه فيهم ؟

سامح: مش عارف انا دماغي واقفه

– مش هينفع مش هينفع احنا نبلغ البوليس وهما يتصرفوا

سامح بحزن: لو عرفوا هيأذوهم

– البوليس عارف شغله اكيد

اقرأي أيضا : أريد حلا . خطبت جديد ووالدي تغير بهذه المسألة معي

---

بعدها بساعات

فيروز بخوف: لارا انتي كويسة

لارا بوجع: ابني م١ت

فيروز بعياط: منهم لله ربنا ينتقم منهم

لارا بعياط: ليه يا فيروز ليه يقتلوا البيبي ليه

فيروز وتاخدها فى حضنها: والله ربنا هيعوضك والله هيعوضك ارتاحي انتي بس وكل حاجه هتكون تمام

لارا بعياط: فيروز انا كان لسالي شهر بس واولد

فيروز قاعده تعيط ومش عارفة تقولها ايه او تصبرها ازاي

فيروز: انا عارفة أنه مش وقته بس انا عايزة اعرف انتي جيتي هنا ازاى

لارا بتحاول تفتكر

فلاش باااك **

لارا بتعدي الطريق وراحة لمامتها ( يوقفها طفل )

– لو سمحتي

لارا: أيوة يا حبيبي

– انا مش لاقي بابا هو كان هنا دلوقتي وتاه مني

لارا بضحكة: هو بردو اللي تاه منك

انا خايف

لارا بحنيه: متخافش يا حبيبي انا واقفة معاك اهو لحد ما بابا يجي

– اهو بابا فى العربية هناك اهو

لارا: يوووه لسه هعدي السكه

– سبيني وهروح انا

لارا: مش قصدي يا حبيبي بس انت شايف اهو فى زحمه فى العربيات

– هعمل ايه ؟

لارا بابتسامه: خلاص هعديك

لارا راحت تعديه وراحت عند العربية لقت شابين بينزلوا من العربية وبيرشوا عليها مُخدر

---

باااااك

فيروز: لارا انتي معايا سرحتي فى ايه ؟

( فجأة لقت لارا بتعيط تاني )

فيروز اخدتها فى ح0ضنها وقعدت تهديها

بعدها بيوم **

سامح بصد@مة: انت بتقول ايه وائل هرب !

– أيوة هرب للاسف

سامح بخضة: انا خايف يعمل فيهم حاجه

– فى مين

سامح بتوتر: فيروز ولارا

– مش هيقدر

سامح: وائل قلبه م١ت من ساعة وفاة بابا وماما يقدر يعمل اي حاجه متتوقعهاش ( اتنهد وكمل ) ربنا يسامحه بيضيع نفسه وهو مش حاسس ( تليفونه بيرن )

سامح: الو

– الطلب التاني تكتب كل حاجه بأسم وائل

سامح: وبعدين ؟

– تجيب كل الورق اللي يثبت ده وتيجي على العنوان اللي هبعتهولك وبفكرك تاني انك لو بلغت البوليس معنتش هتشوف الاتنين اللي عندنا دول

سامح بتوتر: حاضر حاضر هعمل كده وبكرة هكون عندكم

تاني يوم

سامح بخضه: لارا.. فيروز.. انتوا كويسين ؟ ( ولسه هيروح عليهم )

+ لو اتحركت خطوة كمان هقتلك واقتلهم

سامح بعصبية وزعيق: ده الورق اهو سيبهم بقي

– اهلا اهلا وحشتني يا عم

سامح بخضه: وائل !!

وائل: مش تقولي حمدالله على السلامه

سامح: انت هربت ؟

وائل: كنت مفكر ان اخويا هيساعدني اهرب بس باعني زي كل مرة

سامح: البوليس مش هيسيبك يا وائل

وائل: مش هاممني هيجي ايه اكتر من اللي راح ده ابويا وامى راحوا قدام عيني

سامح بزعيق: ما هما ابويا وامى انا كمان

وائل: ابوك وامك اللي انت مأخدتش حقهم وسمعت كلام الست فيروز

سامح: كان كده كده هيموت لو كنت انت سمعت كلامها مكانش زمانك دلوقتي مجرم

وائل: سبتني اتحبس عادى جدا ومفكرتش تعمل اي حاجه عشاني

سامح بزعيق: كنت هعمل ايه كنت اروح اتسجن مكانك !!

وائل بزعيق: كنت تقدر تعمل يا سامح بس كل ده عشان خاطر فيروز حبيبة القلب بعتني عشانها

لارا بوجع: حبيبة القلب !!

وائل: هي المدام متعرفش انك بتحب فيروز ولا ايه

سامح: كفاية يا وائل

فيروز: انت ايه ياعم شيطان ما كفاية بقي كفاية البيبي اللي م0وته

سامح بصدمة: بيبي ايه اللي موته ؟ ( سكت وبعدين كمل ) انت مoت ابني

وائل بضحكه شريرة: اه موته

سامح بيطلع المسدس ولسه هيضرب لقي رصاصة اجت فى رجله كانت من اخوه

وائل: المرة دي فى رجلك المرة الجاية فى قلبك

فيروز بعياط: حرام عليك بقي سيبنا

وائل: مش قبل ما انتق0م يا قطه

لارا بعياط: انت عايز ايه اكتر من كده ؟

وائل: عايز ايه عايز ايه تفتكروا انا عايز ايه ؟

فيروز بضحكه وجع: طبعا عايز ارواحنا

وائل: اللي بيعجبني فيك انك ذكية بس ابتدي بمين ابتدي بمين ؟

لارا بوجع: ابتدي بيا ارجوك وديني لابني

فيروز: لاء ابتدي بيا انا وسيبها

سامح: انا قدامك يا وائل حسابك معايا انا متتلزقش فيهم

وائل: انتوا بتعزموا على بعض ولا ايه ؟… انا اللي هختار

فجأة وائل طلع المسدس وضرب لارا ٣ طلقات فى قلبها

فيروز مصدومة من المنظر وقاعده تعيط وتصوت اما سامح مصدوم ومش بينطق

سامح طلع المسدس من وراه وقتل بيه وائل فى ضهره… البوليس دخل وقبض على كل اللي هناك اما سامح وفيروز ولارا فطلبولهم الإسعاف

اقرأي أيضا : اريد حلا اخوي مكانيكي بحب واحدة مخلصة طب

---

فى المستشفي

ام فيروز: طمني يا دكتور

الدكتور: الحمدلله فيروز الجروح عندها خفيفة وسامح قدرنا الحمدلله نطلع الرص،ـاصة من رجله وكلها يومين ويقف على رجله كويس

ام فيروز: ولارا ؟

الدكتور: البقاء لله

ام فيروز بوجع: لا آله الا الله لارا ماتت

---

بعدها بيوم

ام فيروز: البقاء لله يا ام لارا شدي حيلك

فيروز: ماما تعالى ارتاحي تعبينك معانا من ساعة ما اجيتي من السفر

ام فيروز: راحة ايه يابنتي بس ؟ هو فين سامح

فيروز: واقف برا فى عزا الرجالة

ام فيروز: طب انا خرجاله وخليك انتي مع طنط

ام لارا بعياط: لارا ماتت يا فيروز

فيروز قعدت تعيط واخدتها فى حضنها

اقرأي أيضا : اريد حلا امه عقبة حياتي

---

عند سامح

( ام فيروز بتنده عليه )

ام فيروز: البقاء لله يابني شد حيلك

سامح: ونعم بالله يا طنط شكرا انك اجيتي

ام فيروز: متقولش كده يا حبيبي احنا عيلة واحدة

سامح: متشكر لحضرتك

ام فيروز: خليك مع ام لارا الست حالاتها صعبة

سامح: والله يا طنط مش عارف اصبرها ولا اصبر نفسي

ام فيروز بحزن: ربنا يعينك

( لقي ضابط جاي عليه )

الضابط: البقاء لله

سامح بحزن: ونعم بالله شكرا لحضرتك

الضابط: انا كنت عايز اتكلم معاك فى حاجه

سامح: في ايه ؟

الضابط: امبيرح واحنا فى المكان لقينا عيل صغير وبعد التحاليل والفحوصات اللازمه طلع ابنك الضابط: امبيرح واحنا فى المكان لقينا عيل صغير وبعد التحاليل والفحوصات اللازمه طلع ابنك

سامح بخضه: ابني مين ابني م١ت، قتلوه المجرمين

الضابط: قالوا فى التحقيق أنه كان ضمن الخطه أنهم يقولوا أنهم مoتوه

سامح بفرحة: يعني أنا ابني عايش

ام فيروز بفرحة: والله لولا اننا فى عزا كنت هزغرط

الضابط بابتسامه: ربنا يفرحكم دايما بس لازم حد يجي يستلمه وبدل انت واخد طلقه فى رجليك مش عارف تتحرك غير بعكاز فأبعت حد معايا يستلمه

سامح: هجيب فيروز واجي ورا حضرتك

الضابط: خلاص تمام هستناك

( عدا فترة وسامح بقي كويس هو وفيروز اما البيبي فقاعد مع سامح فى بيته )

سامح: هتسافري مع والدتك ؟

فيروز: لاء

سامح: ليه ؟

فيروز: عايزة افضل هنا

سامح: وانا مش عايزك هنا

فيروز بصد@مة: مش عايزني هنا ! ليه ؟

سامح: كفاية يا فيروز كده انتي تعبتي ودخلتي فى حوارات ملكيش ذنب فيها، وخايف خايف اخسرك تاني أنا خسرت ناس كتير فى حياتي ومش هقدر اخسرك انتي كمان فلازم تسافري وتبعدي على الأقل اضمن انك تكوني بخير

فيروز: وهتكون مبسوط وانا بعيده

سامح حط رأسه فى الارض ومش بيرد

فيروز: انا عارفة ان دلوقتي اصعب من قبل كده بس انت اتحملت اكتر من اللي كنت فاكر انك لا يمكن تتحمله، عارفة انك خسرت كتير، خسرت ناس، فجأة لقيت نفسك لوحدك ومعاك طفل، بس عيزاك تقوى عشانه، هو دلوقتي محتاج حضن.. انا كنت عايزة افضل عشانه انا مطلبتش منك حاجه انا كل اللي كنت عايزاه ان انا اكون معاه.. انت مش هتعرف تاخد بالك منه، بس لو انت عايزني اسافر هسافر مقدرش افضل فى مكان واكون غير مرغوبة

سامح: لو انتي مش مرغوبة مين اللي هيكون مرغوب يا فيروز

فيروز بابتسامه: يعني اخليني

سامح بيبادلها نفس الابتسامه: خليكي

فيروز: طب قولي بقي نويت تسميه ايه

سامح: هسميه سليمان عشان لما اصحيه يروح المدرسه اقوله قوم يا سليماان بالله عليك

فيروز بضحك: ابهرتني

سامح: عيب عليك

اقرأي أيضا : مشكلة رقم 1 مشكلتي مع زوجي

---

بعدها بفترة ***

ام فيروز: لاء مش عادى انك متسافريش معايا

فيروز: يا ماما عادى

ام فيروز: عايزة تفضلي هنا ليه ليك مين هنا

فيروز بتوتر: هفضل عشان سليمان

ام فيروز: سليمان عنده أبوه وعنده جدته على ما اظن مش محتاجك فى حاجه

فيروز: يا ماما…

ام فيروز وتقاطعها: انتي لسه بتحبي سامح ؟

فيروز بتوتر: لاء ايه اللي انتي بتقوليه ده

ام فيروز: انا حجزتلك تذكرة معايا و الطيارة (Airplane) بكرة ياريت تبقي تصحي بدري عشان منتأخرش على الطيارة

فيروز: يا ماما قولت مش هسافر

ام فيروز: كلامي واضح اكيد

فيروز وسامح

منة_عبده#البارت العاشر والاخير

فيروز بحزن: خلاص كده

ام فيروز: فيروز انا مش عايزة اكون سبب حزنك.. انتي مش عايزة بجد تيجي معايا ؟

فيروز بعياط: يا ماما تعالى نفضل هنا بلاش نسافر

ام فيروز: ملناش حد هنا يا فيروز نفضل عشانه

فيروز سكتت

ام فيروز: مردتيش على سؤالي

فيروز بعياط: مش عايزة اسيبه يا ماما

ام فيروز: سامح ولا ابنه

فيروز بعياط: الاتنين

ام فيروز بابتسامه: خلاص يا حبيبتي اعملي اللي انتي عايزاه مش هقدر اغصب عليك اكتر من كده

فيروز بابتسامه: بجد يا ماما يعني ممكن افضل

ام فيروز بابتسامه: ممكن.. الحقي مين جاي علينا دول سامح وابنه وام لارا

فيروز بتبص وراها: ايه اللي جابهم دول ؟

سامح: سمعتك علفكرة

فيروز: حضرتك منوره يا طنط انتي وسليمان بس بردو هو جاي ليه

ام لارا وبتاخد ام فيروز بالحضن: مكانش ينفع مسلمش عليكم قبل ما تسافروا

سامح بحزن: فيروز ممكن متسافريش

فيروز: ليه ؟

سامح: عشان محتاجكك

فيروز: محتاجني ؟

سامح: ‏ماقدرش أنكر إني محتاج أتطمن، مش مضطر أقول إني استحملت كتير، ولا عندي ذره طاقة أحكي، أنا بس محتاج حد اطمن بوجوده حد مايسيبنيش لوحدي مع افكاري، عاوز أتطمن ولو مرة واحدة، محتاج أمل إن بكرة هيبقى جميل بس مع حد بحبه واللي بحبه ده هو انتي يا فيروز بلاش تسافري وخليك جمبي

فيروز بدموع تليها ابتسامه: انا مكنتش هسافر اصلا

سامح بفرحة: بجد

فيروز بابتسامه: بجد

سامح: تسمحيلي يا طنط اطلب ايد فيروز

ام فيروز وهي بتزغرط: موافقة طبعا

ام لارا بفرحة: وبصراحة أنا كمان موافقة خلي الفرح يدخل البيت بقي كفاية حزن ولو على سليمان فهيقعد معايا

فيروز مصدومة وبصاله ومش بتتكلم

سامح: ها ايه رأي العروسة

فيروز: هتقدر تكمل بعد اللي حصل

سامح: عشانك هقدر أكمل وهقدر أتحمل

فيروز بتبتسم

سامح: ها قولت ايه ؟

فيروز بابتسامه: ممكن طلب ؟

سامح: طبعا

فيروز بابتسامه: سليمان يفضل معايا

سامح: والله دي حاجه ترجع ل ام لارا

ام لارا بابتسامه: موافقة طبعا مش هلاقي احن منك يا فيروز عليه.. يلا وافقي بقا

فيروز بتبتسم

سامح: انتي لسه هتبتسمي يلا مفيش وقت للتفكير

فيروز: هتسيبني ؟

سامح: هفضل معاك للابد

فيروز: هتسيبني انكد عليك للأبد ؟

سامح: وحتى تحترق النجوم

فيروز بابتسامه: موافقة

أنا معك في حُب العشرين وعشق الثلاثين، أنا معك حتى ضحكة الأربعين ومرض الخمسين ووحدة الستين ويأس السبعين، أنا معك إلى أن يقولوا “رحمة الله علينا”

الجزء الثاني من قصة فيروز