يوميات عروس جديدة الجزء 3 موقع الماميز

Diary of a new bride, part three

يوميات عروس جديدة  الجزء الثالث هيام  فتاة جميلة في بداية العشرينات من عمرها معروف عنها طيبتها وخجلها عادت لتحدثنا عن مواقفها ويومياتها . موقع الماميز

0 254

يوميات عروس جديدة  الجزء الثالث هيام  فتاة جميلة في بداية العشرينات من عمرها معروف عنها طيبتها وخجلها الشديد ورقة مشاعرها ،ومعروف عنها الي بقلبها على لسانها لكن هالشيء بعد زواجها راح يحطها بمواقف مضحكة ومغامرات مضحكة وغصب عنها .
طبعا كل فتاة بتحلم بشكل الحياة الزوجية كيف تكون وكيف يكون شكلها أما عروستنا هيام فهي ماشية الأمور معها كيف ما تيجي تيجي

يوميات عروس مضحكة


يوميات عروس جديدة الجزء 3 عودة هيام لرواية يومياتها

يوميات عروس جديدة
يوميات عروس جديدة

المهم يا بنات مرت الايام والأشهر واحنا انشهرنا العيلة المركوبة  مضلش حد بالبلد مش عارفنا ( الله يسامح الي كان السبب ) .

وانا مش عارفة صرت اعيد حساباتي من جوز بركب الهوا لعمي حرامي الغسيل ولا مرت عمي الي عايشة عالتهيؤات .
قلت لازم اغير جوي وطبيعتي معهم .

المهم قلت لازم اعمل اجتماعيات علشان العيلة ما تاخذ عنا فكرة سيئة فقررت اتداخل بالعيلة  خصوصا  اختها لعمتي أم علي فقلت لعمتي خذيني معك نزورهم المرة الي جاي .

المهم المرة الي جاي أجت

أقرأي أيضا :أريد حلا : جوزي نسونجي شو الحل ؟ مسكته 3 مرات


يوميات عروس جديده  ( زيارة بيت الخالة )

يوميات عروس جديدة
يوميات عروس جديدة

السلام عليكم عليكم السلام  وبوس يمين وبوس شمال ويا اهلا ويا مرحبا

بيني وبينكم وتقولووش لحد لأنه هذه أسرار بيوت لما دخلنا وقعدت شوي عالكنب حسيت البنات خايفات من خالتهم علشان طالع عليها انها مركوبة

والبنات اتدحوشن بغرفهم  وما أجو يقعدن عندنا .
المهم مهانش علي مرت عمي فقلت اروح على غرفة البنات وشوي شوي ناخذ عبعض ونقعد ندردش ونحكي

وانا كنت مستعدة للتداخل فقررت اروح اتداخل جوة غرفة البنت الكبيرة  ، هي صبية بالجامعة ( هدى ) الله لا يهديلها بال المفترية لقيتها مسكرة غرفتها عملت اني يعني انا من أصحاب البيت وهيك يعني شغل تداخل وما تداخل  . يعني كأني واحدة من أصحاب البيت
المهم البنت كانت بتحكي عالجوال كتابة مرة بتحكي معي ومرة بتكتب كأنه بالسرقة بتحكي  .

قعدت جنبها وقعدت اقرأ بكتب الجامعة وما شاء الله ، وهي بنت اللذين مشغولة عالجوال كل شوي تقلي دكتور الجامعة والامتحانات .

امتحانات شو يا ام محمود نازلين حب ببعض ونازلين اشواق  وليش ما أجيت عالجامعة يا حودة   قال انه طلعلو مشوار قالتلو زعلانه منك يا محاميحو ،

انا حسيت انه محاميحو كذاب

المهم كتبلها ليش زعلانة يا هداهيدو : انا عيانة الي يومين وما سألت ولا حسيت  .
اخينا بقلها والله  بحرق الدنيا حرق وما تمرضي .

انا بعقلي الباطني وانا بقلب بالكتب , الله يخرب بيتك يا محاميحو وانا بقول الحر هذا من وين جاي ، يا كلب البراري يا أبو الحرايق .
بيني وبينكم ولعت معي استوينا ببيوتنا وطلع الي مولع الجو محاميحو . علشان يرضي هداهيدو .

أقرأي أيضا:أريد حلا حماتي جننتني في تصرفها هذا


يوميات عروس جديدة  ( على السفرة )

يوميات عروس جديدة
يوميات عروس جديدة

استوا الأوزي  وحطو الاكل واجتمعو البنات ، وما شاء الله طعم الأوزي طلع زي المجدرة  مهو الختيارة أم علي ماشية على مبدأ ( خبص ليس كله كويس )
الله يبارك بعمرها بتسمع عن الأوزي من بعيد لبعيد . لكن عاملة فيها الشيف بوراك التركي . خفيفة ظل ورقيقة كالفراشات .
المهم حطو الرز على الطاولة وكان بيسلق سلق .

انا  : والله الرز مولع يا محاميحو

هدى انصدمت !!!! محاميحو؟!  واطلعت في بنظرات استغراب وبتحكي بينها وبين نفسها معقول بلمح عليها  ؟

بعد شوي واحنا بناكل والرز مولع نار  ، سمعتو نشرة الاخبار والطقس ؟
الكل التفت الي يسمع مهو الجو مولع نار وكلنا مسمطين وحالتنا شلش وبيني وبينكم أنا بحمل المسؤولية لمحاميحو أبن اللذين .

أختها لمرت عمي أم علي : شو في اخبار يا هيام  اكثر من الحر الي احنا فيه ؟

حر شو ياخالة ، هذا سمعت على قناة فلسطين مذيع الاخبار انه موجه حر اسمها محاميحو راح  تولع الجو من ارتفاع الحرارة وفي ناس راح تمرض وتعيا .
هدى اشي صار يلعب بعبها  , واصفرت زي حبة القرع المستوية (Pumpkin) .
وانا ببرود اعصاب ( مقهورة من ابن اللذين ) الي بيلعب بالجو علشان خاطر هداهيدو
نطت مرت عمي بتقول : هم صارو يسمو موجات الحر زي المنخفضات ؟
قلتلها يا مرت عم : كل شيء الان صار دقيق وهذه الموجة أجنبيه اسمها مهاميهوووو لكن ترجمتها محاميحو
صرت اغنى الله يهدي حالنا هداهيدو ويمحمح حالنا محاميحو  ,

طبعا والاكل مولع نار قلت اكيد هذا الرز جاهز زي رز  الطباخ محمود .
وهدى صارت ترجف وسنانها يرتكن ببعض
وأمها انتبهت بنتها مش طبيعية قالتلها شو مالك يا هدى
نطيت انا قلتلها اكيد هذه اعراض محاميحو ميش قلتلكم انه في ناس راح تمرض .؟!

خلصنا الاكل ومية المية قال شووووو  قال البنت  اجتني تتهمني اني كنت اطلع على جوالها مع مين بتحكي  شفتو امانة الله  ؟

المهم حسيت انه احنا عيلة مش مرغوب فيها أبصر ليش ؟! واخذت عمتي وروحت
انتظرونا بالجزء الرابع من يوميات عروس جديدة

لقراءة الجزء الأول اضغطي هنا          لقراءة الجزء الثاني اضغطي هنا ، 

أقرأي أيضا :       انا حامل قصة واقعية كاملة والنهاية ستدهشكم الجزء الأول


 

إنضم لقناتنا على تيليجرام
Quizatii

كويزاتي - Quizatii

هل تبحث عن التسلية والمعرفة في نفس الوقت؟ تطبيق "كويزاتي" هو الحل!

تحميل