يوميات عروس جديدة الجزء الأول مغامرات مضحكة لعروس عالفطرة

Diary of a new bride, part one

يوميات عروس جديدة هيام  فتاة جميلة في بداية العشرينات من عمرها معروف عنها طيبتها وخجلها الشديد ورقة مشاعرها , ومعروف عنها الي بقلبها على لسانها . موقع الماميز

1 1٬035

يوميات عروس جديدة هيام  فتاة جميلة في بداية العشرينات من عمرها معروف عنها طيبتها وخجلها الشديد ورقة مشاعرها ،ومعروف عنها الي بقلبها على لسانها لكن هالشيء بعد زواجها راح يحطها بمواقف مضحكة ومغامرات مضحكة وغصب عنها .
طبعا كل فتاة بتحلم بشكل الحياة الزوجية كيف تكون وكيف يكون شكلها أما عروستنا هيام فهي ماشية الأمور معها كيف ما تيجي تيجي

موقع الماميز راح يقص عليكم هذه المغامرات .


يوميات عرووس جديدة الجزء الأول

 

يوميات عروس جديدة
يوميات عروس جديدة

يوميات عروس جديدة – بعد اسبوع من الزواج

بتقول هيام اخيرا تجوزت واجا اليوم الي احلم فيه واعمل كل الحركات والحبكشتنات التركية والهندية الي كنت اشوفها ،وبما اني بحب احضر الرومانسيكي حضرت حلقة بالتلفزيون وفهمت بذكائي الحاد  انه لازم تكون حياتك لعب وضحك مع جوزك
أول أسبوع ضل بالبيت طعميتو ازكى الاكلات وعملت اجمل الحركات حتى تبعت ضرب المخدات عملتها تبع مخدات الريش .

وطلع بعد أسبوع شغلو .

قلت والله راح البسلو اللبس هذا الي كله نايلون بنايلون تبع الاغراءات الزوجية الي شبه القطه يعني شوية حركات تعلمتها شغل الرومانسيكي
رحت فتحت باب الشقة عمعاد مرواحو وسكرت باب الحمام وفتحت الدش عأساس بأخذ دش
وتخبيت تحت التخت وانا لابسة اللبس الرومانسيكي  مع اني دبة شوي انحشرت حشرت الصرصار بالزاوية
ولما دخل الدار سمع صوت الدش فكرني بتحمم
دخل غرفة النوم يغير مسكتو من رجليه
صرخ صرخه جابت الي قاعد عبسطة الدخان عراس الشارع
طلع جوزي بركب الهواااا .
وجراي نزل طار عباب الشقة بحركة كراتيه طيرو
ونزل لامو الحقي يما
أنا جريت قبل الختيارة متطلع
لبست بجامتي وبللت شعري عأساس كنت اتحمم
ودخلت الحجة بالبخور
ومن شر حاسد إذا حسد
قالها يمة اقسم بالله جن مسكني من رجلي بثلاث ايدين
ايدين ماسكيني وايد ثالثة بالنص
جن لما يركبكم يا بعاد
أنا وقفت وصفنت بدي اضحك عحالي ولا عجوزي الخويف .
امو الها اسبوع بتجري فيه عمشايخ
والكل يقللها معمولكم عمل مربوط بذيل جمل
بعدين اقللكم شو صار بكفي اليوم

اقرأي أيضا : قصة فيروز انا حامل الجزء 3 يطرحها موقع الماميز


يوميات عروس جديدة

يوميات عروس جديدة
يوميات عروس جديدة

يوميات عروس جديدة – باليوم التالي

وصلنا لحد ما امه صارت توديه على الشيوخ
المهم انا خفت على زوجي لينهبل
قعدت معه وقلت له اقول لك سر يا حبيبي وتحكيهوش لحد قال لي احكي
قلتلو الاول احلف باللي ماتولك
قال وحياه سيدي ابو امي ما انا حاكي لحد .
قلت له القصه من طقطق للسلام عليكم من ساعه ما شفت اهباب البين حلقه كيف تسعدين زوجك لحد اخر شيخ راح عليه .
الزلمه مش مصدق قال الجن راكب امراتي والجن هو اللي مسكه وحلف يمين انه شاف ثلاث ايدين كذبني وصدق عينيه .
بعد يومين وطول هذول اليومين وانا بسمع كلمه محدش يحكيلها محدش يحكيلها .
وانا مش فاهمة ايش محدش يحكيلها
الا شفتهم جايبين الشيخ على الدار
الا هو الشيخ بقول وين المركوبه
نطت حماتي وكان في ايديها حبال قالت هيها
مش عارف كيف طلعت من فمي جمل لما يركبك
المهم لقيت جوزي بكتف فيه وقعدني على الكرسي وحماتي بتربط برجلي وايدي بدهم يطلعو الجن
قلت لحالي والله ما دامكو هبل والله لاهبلكم بزياده
وصرت انفخ واعمل برلم برلم هااااع
الشيخ الكذاب ابن الكذابه بقول لهم هذا الجن قاعد بحكي
وصرت أعمل انه جسمي بنتفض وبرجف
المهم صرت اقول بصوت خشن بطلعش منها الا تجبولي شوكولاته وكوشا ام الشيكل الزاكية المسلفنة .
المهم وعدوني يجيبوا لي كل شيء وخلصت الجلسه وما لقيت الا زوجي بيجي له خمسه ايام وهو بجيب كوشه وشوكولاته
واليوم اللي بيكسل يجيبلي فيه شيء ببحر فيه زي البقره الحلوب بقوم يفز جراي على سوبر ماركت يحمل اللي يقدر عليه .

اقرأي أيضا : قصة فيروز انا حامل الجزء الثاني يطرحها موقع الماميز


يوميات عروس جديدة

يوميات عروس جديدة
يوميات عروس جديدة

يوميات عروس جديدة – بعد فترة من الوقت

وصلنا لحد ما صرت استغل جوزي في كل المطالب كل ما بده يجي يقصر معي ببحر فيه زي بياعه اللبن بخاف مني وبطلع بجيب لي كل اللي بدي اياه المهم قعدت على هذا الحال اسبوعين .
المهم شفقت على حماتي قلت بدي اروح افهمها انه ما ضل لا في جن ولا في اي شيء وان الدار سليمه والامور تمام
نزلت عند حماتي البست ثوب الصلاه وتعطرت كاني رايحة اصلي صلاه التراويح قال يعني ايش قال يعني الايمان بنقط مني تنقيط.
لسه بقول لحماتي السلام عليكم اللي بتقول لي منيح الي اجيتي لقيت عمتي متلمسه من هالدار..
قالتلي والله شفته اليوم اجا في الليل يقزدر في الاوضه ويلعب فوتبول لابس ابيض في ابيض
بقوللها يمكن يكون عمي يا شيخة .
قالت لي والله يا عمتي عمك كان يشخ هذا واحد غير عمك يا عمتي ( تهيؤات )
قلت لها يا عمتي والله ما في في الدار شيء وهيني بفتح قرآن والحمد لله مصار ولا شيء معي من يوم الشوكولاته
قالت لي والله يا عمتي ما بقطعها الشوكولاته من الدار لا هي ولا الكوشة
وقالتلي بس والله يا عمتي اطلعي على اصبعي الصغير شكله معضوض ابصر مين جاي في الليل عاضه
قلت لها يا عمتي هذه عضه بعوضه
قالت لي لا والله يا عمتي حسيت واحد بشفط فيه بشفاطه
قلت في عقلي شفاطه لما تشفطك يا هبله والله ما دامك هبله لاهبلكم بزياده
بس اطلع فوق بوريكي الابيض في ابيض
المهم عمي كان في الحمام بياخذ دش طلع لقيته لابس حجاب (Hijab)قد كتاب صف اول ومعلقه في رقبته وماسك سبحة ووديها أدي على الاستغفار ….
اجي قلي يا عم بدي منك شيء يا عم انت صرتي منا وفينا وهذه القصه انه عمتو للولد كانت بدها الولد لبنتها وكنها عملت له عمل مربوط في ذيل جمل واحنا يا عم ظلمناكي معنا بدي اياكي تصبري لحد ما الله يفرجها علينا ويزيح الغمه
بصراحه انا تأثرت كثير في الموضوع
وعملت اني صابرة بالعافية وانو شفت غلب بحياتي محدش شافو . وآني ساكتة وراضية بالمقسوم وهيك اشياء
وقعدتي اتحسبن على اولاد الحرام وبنات الحرام وبنات خالتهم وبنات عمتهم وقرايب اولاد الحرام وشله الحرام كلها
قلت بعقلي والله يا عم لو عرفت شو الموضوع لنزلت عصداغي اخماسا واسداسا ..
المهم بكمللكم  بالجزء الثاني

للمتابعة للجزء الثاني من يوميات عروس جديدة  اضغطي هنا

اقرأي أيضا : انا حامل قصة واقعية كاملة والنهاية ستدهشكم الجزء الأول


 

تعليق 1
  1. ملك ماجد درغام سابع ٣ يقول

    ههههههههههه والله يستاهلو ههههه

إنضم لقناتنا على تيليجرام
Quizatii

كويزاتي - Quizatii

هل تبحث عن التسلية والمعرفة في نفس الوقت؟ تطبيق "كويزاتي" هو الحل!

تحميل