اريد حلا أريد حلا لمشكلتي
من عضوة
اليوم رحت عمستشفى ناصر
لقيت طفل قاعد عالدرج وكانت الدنيا بدري الساعة 8 الصبح
الطفل كان عمره زي 7 سنوات
قربت عليه سالته شو مالك
قلي جعان كلهم اكلو ومطعمنيش قلت اله وين امك قلي راحت قبل ما يكمل حضنتو وقلتلو الله يرحمها .
وقلت اله حسبي الله ونعم الوكيل بكل مرت ابو عاطله بتهمل أولاد جوزها الايتام والمصيبة كاينين ياكلو قدامو ومطعموهوش .
ورحت جبتلو سندويشات وعصير وقعدت افطر أنا واياه والولد مبسوط ومكيف وانا بحسس عراسو علشان اجر اليتيم وهيكا .
الا هي واحدة بتقلي شو هذا قلتلها هذا يتيم وامو ميته
الا بتقلي. تموت عليكي حيطة يا بعيدة أنا امو .
قلتلو ولا ميش قلتلي امي راحت
رد علي قلي راحت تجيب التحاليل .
أنا صفنت
الا هي امو بتقلي الله لا يكسبك ولا يجبر بخاطرك مين قال لسماكي تطعميه
النا 6 شهور حاجزينلو لعملية ولازم يكون صايم .
المهم النسوان سلكوني من ايدها بالعافية 
ااخ يا قلبي خلتيني اضحك بجد وقعتك سودة هههه
ههههههههههههههه أريد حلا???????
فرطت بتستاهلي الكتلة ههههههههههههه