الاسم: حلمت باسماعيل هنية
العمر: 23
الحالة الاجتماعية: انسة
المدينة: غزة
الحلم هو:
حلمت اني كنت في بيتنا بس كان بيتنا اثاثه فخم وكل اشي جديد بجديد وكان عنا اسماعيل هنية وكانت في ضيافه على طاوله الضيوف وانه قام وبده يروح وكان معاه كمان واحد ما بعرف مين بس يمكن حارسه ما بعرف ، المهم شفته انه رجله مجروحه من ركبته ولاففها بشاش وبينزف دم بس مش كتير وقلتله تعال اوديك على المستشفى هيها قريبه جنبنا قال لا باروح لحالي وكنت بدي اساعده بالمشي ومديت ايدي الحارس قلي خلص انا باساعده وباشادله المهم هو نزل من شقتنا وهو على باب عمارتنا سمعته وهو بيقول ليش المغسلة يلي على باب العمارة مكسورة وبده يجيب سباك ومش مروح الا لما السباك يعمل المغسلة ويحاسب السباك (للعلم باب عمارتنا مقصوف والمغسله مقصوفه وانا شفته بالزبط زي ما هو بالحلم )وبعتلي ولدين يبلغوني ودقوا على باب شقتنا وكنت بدي افتحلهم بشعري الا يلي الحارس كان موجود معايا بالشقه قلي البسي على شعرك هيك بدك تطلعيله استغربت لانه صغير بصف 8 تقريبا الولد ، المهم لبست اسدال الصلاة وبلغني انو اسماعيل هنية هيك بيقول وهيو بده يعمل المغسلة وبالفعل نزلت لقيت هنية جايب سباك والسباك بيعمل بالمغسلة وكانو حواليه اخواتي الشباب 4 كلهم ،وبعدين شفت باص كبير مليان ناس بيمشي وورا الباص جيب اسود فيه..
وورا الباص جيب اسود وفيه هنيه و3 نسوان واطفال
للعلم هذا الحلم حلمته قبل استشهاد اسماعيل هنية ب10 ايام تقريبا وبالنسبة للشخص يلي كان معاه وباقول عنه حارسه انا مش متأكد انه هو حارسه ولا لأ ولا عمري شفته قبل هيك